ଜାଣନ୍ତୁ ୟୁକ୍ରେନର ଆଜୋଭ ରେଜିମେଣ୍ଟ ବିଷୟରେ, ଯିଏ ଋଷର ସେନାକୁ ଦେଉଛି କଡ଼ା ଟକ୍କର

ନୂଆଦିଲ୍ଲୀ: Ukraine-Russia War, Azov Regiment: ଋଷ (Russia) ଓ ୟୁକ୍ରେନ (Ukraine) ମଧ୍ୟରେ ଯୁଦ୍ଧ ସପ୍ତମ ଦିନରେ ପହଞ୍ଚିଛି । ୟୁକ୍ରେନର ସୈନିକମାନେ (Ukrainian Army) ଋଷର ଶକ୍ତିଶାଳୀ ସୈନ୍ୟ (Russian Army) ଙ୍କୁ କଡ଼ା ଟକ୍କର ଦେଉଛନ୍ତି । ଫେବୃଆରୀ ୨୪ରେ ଆରମ୍ଭ ହୋଇଥିବା ଏହି ଯୁଦ୍ଧ ମଧ୍ୟରେ ୟୁକ୍ରେନର ଏକ ସାମରିକ ରେଜିମେଣ୍ଟ ବିଷୟରେ ଅନେକ ଆଲୋଚନା ହେଉଛି । 

ଋଷର ରାଷ୍ଟ୍ରପତି ଭ୍ଲାଦିମିର ପୁଟିନ (Russian President Vladimir Putin) ମଧ୍ୟ ୟୁକ୍ରେନ ସେନାର ଏହି ୟୁନିଟ୍ ଉପରେ ବୟାନ ଦେଇସାରିଛନ୍ତି । ସେ କେବଳ ଏହି ୟୁନିଟ୍ର ଉପସ୍ଥିତିରେ ୟୁକ୍ରେନକୁ ଡି-ମିଲିଟାରିଜିଂ ଓ ଡି-ନାଜାଇଫିଂ କରିବାର କଥା କହିଥିଲେ । ୟୁକ୍ରେନ ସେନାର ଏହି ୟୁନିଟର ନାମ ହେଉଛି ଆଜୋଭ ରେଜିମେଣ୍ଟ (Azov Regiment) ।

ସୋମବାର ୟୁକ୍ରେନର ନ୍ୟାସନାଲ ଗାର୍ଡ (Ukraine National Guard) ଏକ ଭିଡିଓ ଟ୍ୱିଟ୍ କରି ଆଜୋଭ୍ ଫାଇଟର୍ସ (Azov Fighters) ଙ୍କୁ ଦେଖାଇଥିଲା । ସେମାନଙ୍କ ବ୍ୟବହାର ବିଶେଷ କରି ଋଷର ସହଯୋଗୀ ମୁସଲିମ ଚେଚେନ (Muslim Chechens) ମାନଙ୍କ ବିରୁଦ୍ଧରେ କରାଯାଉଛି । ଆଜୋଭ ଋଷର ଆକ୍ରମଣ ପୂର୍ବରୁ ସାମରିକ ଅଭ୍ୟାସ ମାଧ୍ୟମରେ ୟୁକ୍ରେନ ନାଗରିକମାନଙ୍କୁ ତାଲିମ ଦେବା କାର୍ଯ୍ୟରେ ମଧ୍ୟ ଜଡିତ ଥିଲା ।

ଆଜୋଭ୍ ରେଜିମେଣ୍ଟ (Azov Regiment) ହେଉଛି ବଲିଣ୍ଟିୟର ଇନଫେଣ୍ଟ୍ରି ୟୁନିଟ, ଯେଉଁଥିରେ ପ୍ରାୟ ୯୦୦ ସଦସ୍ୟ ଅଛନ୍ତି । ଏହାର ସଦସ୍ୟମାନେ ଚରମ-ରାଷ୍ଟ୍ରବାଦୀ ହୋଇଥାଏ ଓ ସେମାନଙ୍କ ଉପରେ ନବ-ନାଜି ଏବଂ ଶ୍ୱେତ ସୁପ୍ରିମୋସିଷ୍ଟ ଚିନ୍ତାଧାରାକୁ ସଂରକ୍ଷଣ ଦେବାର ଅଭିଯୋଗ ରହିଛି । ମେ ୨୦୧୪ରେ ଏହି ୟୁନିଟ୍ କାର୍ଯ୍ୟକ୍ଷମ ହୋଇଥିଲା । ଏହା ୟୁକ୍ରେନ ଗ୍ୟାଙ୍ଗର ଚରମ-ରାଷ୍ଟ୍ରବାଦୀ ଦେଶପ୍ରେମୀ ତଥା ନବ-ନାଜି ସାମାଜିକ ଜାତୀୟ ସଭା (SNA) ଗୋଷ୍ଠୀର ଏକ ସ୍ୱେଚ୍ଛାସେବୀ ଗୋଷ୍ଠୀ ଭାବରେ ଗଠିତ ହୋଇଥିଲା ।

ଏକ ବାଟାଲିୟନ ଭାବରେ ଏହି ଗ୍ରୁପ ୟୁକ୍ରେନର ପୂର୍ବ ଅଞ୍ଚଳର ଡୋନେଟସ୍କରେ ଋଷ ସମର୍ଥକ ବିଚ୍ଛିନ୍ନତାବାଦୀଙ୍କ ବିରୁଦ୍ଧରେ ଆଗ ଧାଡ଼ିରେ ଯୁଦ୍ଧ ଲଢ଼ିଥିଲେ । ଋଷର ସମର୍ଥିତ ବିଚ୍ଛିନ୍ନତାବାଦୀମାନଙ୍କ ଠାରୁ ରଣନୀତିକ ବନ୍ଦର ସହର ମାରିଆପୋଲରକୁ ପୁନଃ ଛଡ଼ାଇବାର କିଛି ମାସ ପରେ ୟୁନିଟକୁ ଆଧିକାରୀକ ଭାବେ ନଭେମ୍ୱର ୧୨,୨୦୧୪ରେ ୟୁକ୍ରେନର ନ୍ୟାସନାଲ ଗାର୍ଡରେ ଏକୀକୃତ କରାଯାଇଥିଲା ଓ ତତ୍କାଳୀନ ରାଷ୍ଟ୍ରପତି ପେଟ୍ରୋ ପୋରୋଶେଙ୍କୋ (President Petro Poroshenko) ପ୍ରଶଂସା କରିଥିଲେ । ସେ ଏକ କାର୍ଯ୍ୟକ୍ରମରେ କହିଥିଲେ ଯେ ସେ ଆମର ଶ୍ରେଷ୍ଠ ଯୋଦ୍ଧା ।

ଏହା ବି ପଢ଼ନ୍ତୁ:-ଦ୍ୱିତୀୟ ବିଶ୍ୱଯୁଦ୍ଧ ସମୟରେ ସାହାରା ପାଲଟିଥିଲା ଭାରତ, ଆଜି ଏପରି ଋଣ ସୁଝୁଛି ପୋଲାଣ୍ଡ

ଏହା ବି ପଢ଼ନ୍ତୁ:-ୟୁକ୍ରେନ ବିରୋଧରେ କ'ଣ ରହିଛି ପୁଟିନଙ୍କ 5-T ପ୍ଲାନ? ଜାଣନ୍ତୁ ଲଗାତର ବୋମା ବର୍ଷା କରିବାର କାରଣ

ଏହା ବି ପଢ଼ନ୍ତୁ:-ଏପରି କେଉଁ ଜିନିଷ ଅଛି ଯାହା ଶୁଖିଲା ପରେ ୧ କିଲୋ, ଓଦା ହେଲେ ୨ କିଲୋ ଏବଂ ଯଦି ଜଳା ଯାଏ ତେବେ ଏହା ୩ କିଲୋ ହୁଏ?

ଏହା ବି ପଢ଼ନ୍ତୁ:-ୟୁକ୍ରେନ ପ୍ରସଙ୍ଗରେ ଏକାଠି ହେଲେ ଦୁଇ ଭାଇ, ଭିଡିଓ ସେୟାର କରି ସରକାରଙ୍କୁ ଟାର୍ଗେଟ କଲେ ରାହୁଲ-ବରୁଣ

ଏହି ୟୁନିଟର ନେତୃତ୍ୱ ଆଣ୍ଡ୍ରେ ବିଲେଟସ୍କି (Andriy Biletsky) କରିଛନ୍ତି । ସେ ୟୁକ୍ରେନର ପେଟ୍ରିଅଟ (୨୦୦୫ରେ ସ୍ଥାପିତ) ଓ SNA (୨୦୦୮ରେ ସ୍ଥାପିତ) ରେ ନେତା ଭାବରେ କାର୍ଯ୍ୟ କରିଛନ୍ତି । SNA କୁ ୟୁକ୍ରେନର ସଂଖ୍ୟାଲଘୁ ଗୋଷ୍ଠୀ ଉପରେ ଆକ୍ରମଣ କରିବା ପାଇଁ ଜଣାଯାଇ ଥାଏ । ୨୦୧୪ରେ ବିଲେଟସ୍କି ସଂସଦକୁ ନିର୍ବାଚିତ ହୋଇଥିଲେ । ଏହା ପରେ ସେ ଆଜୋଭରୁ ଇସ୍ତଫା ଦେଇଥିଲେ । ସେ ୨୦୧୯ ପର୍ଯ୍ୟନ୍ତ ସାଂସଦ ରହିଥିଲେ ।